PAGLABAS ng kwarto ni Erica, mabigat ang mga hakbang ni Drew.
Bagsak ang balikat niya. Halatang wala na siyang lakas lumaban, hindi kay Casimiro, kundi sa sariling konsensya niya. Sa isip niya, paulit-ulit pa rin ang mga sinabi ni Erica.
“Selfish ka…Pinaglaruan niyo ako…Lumabas ka na bago ko makalimutan na kapatid kita…”
Napapikit siya sandali habang naglalakad pababa ng hagdan.
Pagdating sa sala, agad siyang tinignan ng mga magulang niya.
“Ano?” tanong ni Celine. “Kinausap ka ba niya?”
Hindi sumagot si Drew.
Hindi niya kayang sabihin kung gaano kabigat ang nangyari sa taas.
“Ano ang sinabi niya?” tanong ulit ni Paul.
Hindi sumagot si Drew. Ilang segundo.
Pagkatapos ay umiling siya. Walang emosyon ang mukha niya.
“I have to go,” sabi niya.
Napakunot ang noo ni Celine.
“Drew—”
