"Alright." Ito na ang huling narinig ko mula kay Dexon na tinapos na ang pagkain at halos kasabay kong umalis sa mesa.
Siguro ramdam niya na iniiwasan ko siya. Epekto na rin marahil nang napanaginipan ko. Bigla ay nag-iba ang tingin ko sa kanya na dati naman ay hindi gano'n simula nang mag-isip ako at narinig ko ang mga sinabi ni Ninang Janina.
Lumipas ang magdamag na malalim at masarap ang tulog ko kaya lang nagtataka ako kung bakit masakit ang katawan ko lalo na ang mga dibdib ko nang mag-inat ako at may pulang mga marka gaya ng malimit na napapansin ko sa tuwing magigising ako.
Pasalampak na sumandal ako sa headboard ng kama at pumikit. Birthday ko na nga pala ngayong araw kaya lang wala talaga akong gana at mas gusto kong dito na lang sa loob ng silid ko manatili maghapon tutal ay w
