HABANG lumilipas ang mga araw ay kapansin-pansin ang pagkakalapit ng kalooban ni Mrs. dela Peña kay Marsha habang si Anastacia naman ay pilit inilalayo ang sarili. Sa tuwing nakikitang nag-uusap ang dalawa ay agad siyang nagkukubli. Para sa kanya ay mas magiging maayos ang lahat kung hindi na lang sila mag-uusap ni Marsha kaya’t hangga’t maaari ay iniiwasan niya ito.
Minsan ay hinarang siya ni Marsha. Nagtatanong ito at humihingi ng update tungkol sa iniuutos nito sa kanya. Hindi pa niya nakakausap si Portia kaya iyon na lang ang isinagot niya rito.
Tulad ng inaasahan ay nagalit ito at nagbanta pang ipagtatapat sa mama ni Carlo ang lihim nila kung susuway siya sa nais nito. Natural ay natakot siya. Ipinangako na lang niya ritong gagawin ang makakaya niya at bibigyan niya ito agad ng upd
