SHEINA
Dahil sa sinabi sa akin ni Larry, nagbago na bigla ang takbo ng mga sumunod na nangyari. Hindi ko naman kasi pwedeng ipagsa-walang bahala lang ang theory ni Larry na posibleng anak ni Tatay kay LJ si Randel, kaya kinabukasan lang pagkatapos naming mag-usap 'non ni Larry ay nakipagkita ulit ako kay Jeron. Sinabi kong gusto kong dalawin si Randel.
Nagulat man, pumayag naman siya. Sabado kaya wala kaming pasok pareho, kaya niyaya niya akong dumalaw sa bahay niya. Sinundo niya ako sa downtown ng Talisay at nag-motor kami papunta sa kanila. Mabuti na nga lang at hindi ako nag-dress dahil naka-motor pala siya. Mabuti na lang at nasampal ko ang sarili ko bago ako lumabas ng bahay kanina. Paano ba naman kasi, ang una kong sinuot ay bonggang Sunday dress. Nag-make up pa ako at inayos ko an
