Chapter 31: “Happy Moments”
"Saan ba talaga tayo pupunta?" pangungulit ni Dara na kanina pa palinga-linga sa paligid. Hindi kasi siya mapakali kung saan ba siya dadalin ni Ice.
"Bakit parang hindi ka mapakali d’yan?" tanong nito na nananatiling nakatuom ang mga mata sa daan.
"Baka kasi may balak ka na palang kidnapin ako... alam mo na, nag-iingat lang ako,” paliwanag niya.
"Eey, 'wag ka ngang mangarap!" pang-aasar nito. "Pero... kidnapin? Hmmm, parang magandang idea ‘yon, ah! Why not?" dugtong nito kaya napatawa silang dalawa.
Kung anu-ano pang kalokohan ang pinag-usapan nila hanggang sa makarating sila sa isang beach resort. Wala masyadong makikita na tao sa lugar na iyon na tila ba ay nireserba para lang sa kanilang dalawa.
Sa ngayon, ang iisipin lang muna niya ay si Ice at walang
