Ang akala ko, kaya sumabay sa akin lumabas sa hospital ang pasaway na kaibigan ko dahil uuwi na siya, pero kukulitin lang pala ako.
"Ihahatid na kita sa coffee shop, Avery," sabi ni George.
"Huwag na, uuwi pa ako sa bahay para maligo," sagot ko at talagang matigas na tinanggihan ko ang offer ng kaibigan ko.
"Ano ka ba naman, okay lang, minsan lang ako mag-offer," sabi ni George na alam ko kung bakit kinukulit na naman ako ngayon.
Malapit na ang birthday ng lolo niya. Minsan ko ng nakilala ang matandang iyon ng umattend ako sa family gathering nila at ngayong may malapit na namang okasyon sa kanila, nangungulit na naman ang kaibigan ko.
Hinarap ko ang kaibigan ko at pinamewangan. "Huwag mo akong kulitin, Georgina. Alam ko kung bakit lagi ka na namang nakabuntot sa akin."
Kumamot sa ba
