Nagising si Graciella nang umagang iyon sa matatamis na halik ni Patrick. Ramdam niya ang init ng labi nito na marahang gumuguhit sa balat niya, mula sa kanyang pisngi, pababa sa leeg, at saka bumalik sa labi niya. Ang ganoong paggising ay tila ba hinuhugasan ang lahat ng bigat na dala niya mula kahapon.
“Good morning, babe,” bulong ni Patrick, nakatitig sa kanya gamit ang mga mata nitong laging puno ng lambing.
Ngumiti siya, kahit pa medyo mabigat ang pakiramdam niya. Hindi maitatanggi na dumadalas ang pagsama ng tiyan niya nitong mga araw na ito. Morning sickness. Kahit hindi ganoon kalala, sapat na para mawalan siya ng gana at makaramdam ng pagkailang tuwing naaamoy niya ang niluluto ni Patrick.
Pagbangon niya, naamoy agad niya ang usok mula sa kusina. Amoy itlog, mantika, at kape. S
