KABANATA 24
“ANO BA, minsan lang naman! Sayang naman ‘tong mga kinuha kong alak kung hindi niyo rin pala iinumin!”
“Hindi ka naman namin sinabihang kumuha ng alak, Archie.” Segunda ko agad.
Pagbalik kasi ng mokong ay may bitbit na mga pagkain, ayos naman ‘yon siyempre birthday niya malamang ay maraming masasarap na pagkain, kilala ko pa naman iyan, mayabang iyan kaya kahit walang pera ay gagawin niya ang lahat makapagmayabang lang sa mga kaibigan gaya ngayon.
Pero ang hindi nakakatuwa ay itong pamimilit niya ngayon na painumin kami ng alak, ang daming bote at baso ang dinala niya sa mesa.
“Aalis din kami agad—“ Dugtong ko pa na agad niyang pinutol pagkahila ng upuan malapit ng sa akin.
“Angeline naman, minsan lang ‘to oh. Teka, naalala mo ba noong tayo pa?” Iniakbay niya ang braso ni
