Parang kasalanan ko pa na naging mukhang hoodlum siya ngayon tapos may pasa pa. Siguro nakuha niya sa mga taong humarang sa amin ni Amara kaya ganito ang itsura niya.
"H'wag ka nang magpaliwanag, dati ka namang pangit," inis at mainit ang ulo na sabi ko.
Heto na naman ako, bigla na namang nagbago ang temper at mood ko at siya ang napagbalingan ko.
May tinawagan ito at inutusan na bumili ng bagong lutong pagkain pero hindi ako interested. May kung anong naglalaro sa isip ko dahil aligaga ako, may gusto talaga ako kaya lang nakakainis dahil hanggang ngayon ay hindi ko pa rin matukoy kung ano.
"Alam mo Jared, ayaw kitang makita dito e," hindi nakatiis na sabi ko ulit.
Nangunot ang noo nito at nalukot ang mukha pero wala akong pakialam. Ayaw ko talaga siyang makita dahil naalibadbaran ako
