آيات بدهشة : أسيب شغلي ؟؟؟؟
نطقت بها آيات بذهول رداً على اقتراح آسر المفاجئ و الذي ألقاه بوجهها فور دلوفها للمطعم المدعوة اليه من طرفه للحديث بأمر ما
آسر : و ايه المانع طالما فى شغل تاني مستنيكي و تقدري تختاريه كمان ...... سواء سكرتيرة او غيره !!!
آيات بتساؤل : طب و ليه ده كله ما انا شغالة و مستقرة فى شغلي ؟
آسر بتبرير : بس قولتى ان مديرك مطلع عينك و مش مرتاحة ..... وبعدين بصراحة بقى انا مش شايف انه طبيعي كونك تشتغلى عند حد غريب وانا موجود
آيات بتوتر : محدش مطلع عيني ولا حاجة ... ده كان مدير مؤقت و مشى و دلوقتي صاحب الشغل كويس و شايف شغله تمام .... و بصراحة بقى كده انا مش بحب جو الوسايط ده
آسر : وسايط ايه بس .. انا عارف كويس جداً اني مش هلاقى حد كفؤ زيك .. ده هيبقى م**ب ليا و لشركتي لو وافقتي تشتغلي معايا
اضطربت آيات بعد مدحه لعملها و جديتها فبتلك الطريقة يضعها بموقف لا تُحسد عليه .
