Fireworks
"Ate, saan mo ba ako ipapasyal ngayon?" tanong sa akin ng aking kapatid. "Ayoko na sa pinagdalhan mo sa amin noon, Ate. Gusto ko ay sa iba naman."
Napairap ako dahil sa kaartehan ng aking kapatid. Kung hindi ko lang siya mahal at mas bata sa akin ay baka nasapak ko na talaga siya. Kailangan kong pigilan ang sarili ko dahil ako ang mas nakakatanda sa kanya.
Hanggang ngayon ay hindi pa tapos mag-usap sina Papa at Rojan kaya ako ngayon ang napiling kulitin ng kapatid patungkol sa gala namin bukas. Ang totoo niyan ay hindi ako makapagdesisyon noong isang araw. Si Rojan ang nag-isip kung saan ko sila dadalhin na hindi masyadong magiging magastos.
"Hindi tayo ngayon mamamasyal. Magpapahinga muna tayo ngayon tapos bukas tayo ng tanghali tutulak papuntang Batangas," sagot ko sa kanya
