“HINDI KA maliligo, Tita Beverly?” tanong ni Shaira.
“Mamaya na lang,” sagot niya. Naroon sila sa pool at nakabantay lang siya rito. Pasado alas-diyes na ng umaga at masakit na rin sa balat ang sinag ng araw. Ngunit hindi iyon alintana ni Shaira. Excited itong maligo suot ang binili nilang bathing suit.
Ang isip niya ay parang napako na kay Mitch. Iniwasan niya ito nang umagang iyon pero parang nais din niyang magsisi. Kahit anong katok nito kaninang umaga ay hindi siya bumaba. Nang matiyak niyang umalis na ito ay saka lamang niya binuksan ang pinto. Natagpuan niya si Shaira na matiyagang naghintay sa kanya sa labas kaysa raw sa sumama ito sa opisina ng tiyuhin.
“Tita Beverly, maligo ka na rin!” sigaw ng bata sa kanya. Anyong sasabuyan siya nito ng tubig ngunit maagap
