Napatitig si Cavell sa tsinelas na ibinato sa kanya noon ni Djora sa balkonahe sa hotel nila sa Singapore. Parang ramdam niya pa ang pagtama niyon sa mukha niya. Puwede naman siyang makailag noon pero hinayaan niya lang na tamaan siya para naman ay kaunting compensation sa dalagang galit sa kanyang hindi magandang prank. It was all worth it anyway. He knew she cared.
Nakapaloob ang puting tsinelas sa isang transparent na plastic box at para siyang siraulong laging dala-dala iyon kahit saan siya magpunta. Kapag nasa opisina niya ay nakapatong iyon sa kanyang desk. Kapag nasa meeting siya ay may sarili itong office chair na kinapapatungan. Paminsan-minsan nga ay napapatingin sa kanya nang weird ang mga empleyado niya pero hindi niya pinapansin. Madalas napapanganga lang ang mga ito sa palag
