Clement's POV
"Sino po si Kalina?" biglang sumulpot sa likod ko si Deo. Gising na siya at mukhang okay na ulit. Nabasa niya ang pangalan ni Kalina na binuo ko gamit ang mga bato.
Nakita niya na lumuluha ako. "U-umiiyak po ba kayo? Ano pong problema? May nangyari po na habang wala akong malay?" sunod-sunod niyang tanong. Umiling ako.
"Walang nangyaring masama. May pinakita kasi sa akin si Alcina. Pinakita niya si Kalina sa tubig ng dagat," sagot ko. Nagpunas na ako ng luha.
"Sino po ba si Kalina?" tanong niya ulit. Ginulo ko na ulit ang pangalan ni Kalina na binuo ko gamit ang mga bato.
"Siya ang kasintahan ko. Siya ang kasama ko rito para labanan ang mga black witch. Natalo naming lahat ang mga black witch dahil sobra niyang lakas. Sa kasamaang palad ay nalinlang kami ni Ogat at dah
