"Woah! Puro tinik!" saad ni Ada.
"Mag-ingat kayo," babala ko agad sa kanila.
Nakarating kami sa isang lugar na puro may halamang tinik ang nasa buong paligid. Kahit ang mga puno roon ay puro tinik din. Ilag na ilag tuloy ang mga kasama kong madikit doon dahil baka kung ano ang mangyari sa kanila. Alam namin na punong-puno ng patibong ang mundong ito kaya kapag natusok kami sa mga tinik doon ay baka magaya kami kay sleeping beauty.
"Ang kipot ng daan," saad ni Clara.
"Tama ka.Dahan-dahan tayo sa pagdaan," sagot ni Majnu.
Mahigpit ang hawak ko kay Clement. Makipot ang daan kaya halos mabagal ang paglakad namin.
"Higpitan mo ang hawak sa akin," dinig kong saad ni Frodo kay Ada. Kanina pa kasi umaangal ito dahil takot na takot siyang masugatan doon.
Si Majnu ang nag-alalay kay Clara. Ha
