"Laura!" sigaw ni Timothy habang palapit sa akin.
Tumulo naman ang luha ko ng sa wakas ay may balikat akong iiyakan. Kanina pa ako rito na parang mamatay sa sobrang pag-aalala kay Jacob.
"Timothy, si Jacob… in-ambush kami nang pauwi kami."
Sa unang pagkakataon ay nakita kong naging seryoso siya.
"Mabuti na lang at ligtas ka."
Tumango ako. "D-Dahil ito kay Jacob." Napaluha ako sa sobrang pag-aalala.
Hindi na nagsalita si Timothy nang lumabas ang doktor na nag-opera kay Jacob.
"Doc, kumusta ang asawa ko?"
Ang ngiti ng doktor ang nakabawas ng pag-aalala ko.
"Natanggal ko na ang bala sa katawan niya kaya ligtas na siya."
Natanggal ang pag-iisip ko na baka hindi niya kayanin ang tama ng baril niya.
"Doc, salamat."
Tumango siya at ngumiti. "Ligtas na rin ang tatlong kasama niya."
