وتين?

الفصل السابع

توقفنا الفصل اللي فات لما لمار دخلت علي عمر المكتب ولقت روان مقربه منه بطريقه جريئه

وقف عمر بفزع ..لمار انا....

ولكن لما تعطيه فرصه الدفاع عن نفسه وركضت نحو الخارج ودموعها تتسابق

ركضت وراها عمر حتي اوقفها

عمر ..لمار اسمعيني ارجوكي اديني فرصه اشرحلك

جففت دموعها ونظرت له بكبرياء ..تشرحلي ليه..احنا مجرد صحاب ومش لازم كل حاجه نشرحها لصحابنا و عموما انا حبه انهي علاقة الصداقه ديه

عمر ..بس انتي عارفه اللي بينا كان اكبر من مشاعر صداقه

لمار ..دا بنسبالك انت واسفه لو فكرت في حاجه اكتر من كدا بس ديه غلطتك ودلوقتي احنا هنرجع تاني مجرد انك المدير وانا موظفه عندك وشكرا

عمر ..لمار انتي بتعقبيني علي حاجه انا معملتهاش بإرادتي

لمار ..استاذ عمر الحوار بنسبالي منتهي ومش محتاج تفسير ووقف*نا ديه مش لطيفه عن اذنك انا ورايا شغل مهم

اتحركت لمار ناحيه الحمام وقفلت الباب وبدأت في البكاء

هي اظهرت تماسكها قدامه علشان متبانش ضعيفه وهاشه ومحتجاله بس هي للأسف كانت فاكره انه بيحبها او ان في بنهم حاجه حاسة ان نفسها ات**رت وان كرامتها ضاعت قدامه

اما هو فاكان واقف مكانه مش قادر يستوعب كم المصايب اللي جت علي دماغه وان لمار بكل سهوله قدرت تستغني عنه وكانت الصدمه انه مش قادر يستوعب ان كل ديه مشاعر صداقه بس زي ما هي بتقول

قطعه صوت روان ..بيبي سبتني ليه وجريت وراها كدا

لما يتمالك نفسه ..انتي مين اصلا علشان تسألي .. انتي عايزة ايه مني انا مبحبكيش ليه كم القذاره اللي فيكي ديه اعمل ايه علشان اوضحلك اني مبحبكيش وانتي بردو لازقه جمبي

روان ..بس مامتك قالت انك بتحبني علشان كدا جيت تخطبني

عمر ضحكت بسخريه ..مامتي هي بقا مامتي ديه اللي بوظتلي حياتي ابعدي عني يا روان احسنلك

وتركها وذهب اما هي فاكانت تتحدث مع نفسها ..والله ما هسيبك ليها تاخد كل فلوسك وتسيبك

ثم ذهبت الي والدة عمر لكي تشتكي لها ما حصل

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

شركه لمار اتجهت الي مكتبها ودخلت وراها نور

نور .. ايه اللي حصل السكرتيرة بتاعت عمر قالتلي انك خرجتي تجري وكنتي بتعيطي وهو خرج وراكي انتوا متصالحتوش

لمار ..لا متصالحناش يا نور احنا خلاص بعدنا عن بعض بشكل نهائي

نور ..نعم يعني ايه وليه اصلا

لمار ..دخلت شوفته مع واحده في المكتب وكانت مقربه منه لدرجه انها فاضلها سنه وتبوسه وهو عادي مستسلم ليها وطبعا لما شوفته في الوقت دا حاول يبرر بس خلاص كفايه اللي شوفته بعيني اكيد مش هكدب عيني واصدقه

نور ..لا يا لمار كدبي عينك وصدقيه العيون اوقات بتشوف ع** الحقيقيه وكلنا عارفين انه بيحبك انتي

لمار ..بيحبني فاقاعد مع واحده في المكتب بيحبني فازعقلي بيحبني فاكان هيبوسها بيحبني فاسبني كل الفتره ديه من غير ما يكلمني ولا حتي يعتذرلي فين الحب يا نور لو انتي شايفه دا حب فاوريهوني

**تت نور فاهي لم تجد اجابه مقنعه لكل هذه التساؤلات

نور..طيب انا ممكن افهم من مروان ممكن يكون عارف السبب

لمار ..ولو عرفنا ايه اللي هيتغير

نور ..مش ممكن ترجعوا لبعض

لمار ..لا كل حاجه انتهت ولو سمحتي اخرجي وسيبيني انا محتاجه اخلص شغلي واروح

خرجت نور فاهي تعلم لمار كويس لن تتكلم في الموضوع طالما اغلقته

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اتجهت نحو غرفة مروان

نور ..مروان صاحبك دا مش ناوي يبطل عمايله

مروان ..اهدي بس فهميني عمر عمل ايه

حكتله نور اللي حصل وسكت مروان لفتره

نور ..انت عارف حاجه صح

مروان ..يعني

نور بعصبيه ..يعني ايه يعني

مروان ..يعني عمر حكالي انه مامته جايبالوا عروسه وهيروحوا يتقدموا ليها وكدا

نور بصدمه ..عروسه

مروان ..اه وعمر كان رافضها بس علشان مامته اضطر يروح

نور ..يبقا لمار صح هو محبهاش

مروان ..نور متظلموهش عمر بيحب لمار

نور ..بس بقا كفايه كدب مبيحبهاش لو كان بيحبها مكانش راح حتي لو حصل ايه

مروان ..ديه امه يا نور مش هيقدر يعصها

نور ..وديه صاحبتي يا مروان وهو لعب بمشاعرها

مروان ..بس هو صادق في مشاعره من ناحيتها

نور ..مش مهم بقا المهم هو دلوقتي خاطب يبقا لمار ملهاش مكان في حياته

مروان ..نور اهدي علشان تعرفي تهديها انتي المفروض اللي تحاولي تهدي الموقف لحد ما عمر يخلص من حوار الخطوبه ديه وهو بعد كدا هيفهمها كل حاجه

نور ..قصدك ايه قصدك اني اخبي عليها

مروان ..اه يا نور خبي عليها دا في مصلحتها وكدا احسن

نور ..بس كدا ممكن لمار تقطع علاقتها بيا خالص

مروان ..لا يا نور هي اصلا هتشكرك بعد كدا لانها دلوقتي في اسوء حالتها ولو عرفت ان عمر كمان هيخطب هتتدمر اكتر هي فاكره ان ديه نذوه مش اكتر ولا اقل وممكن نصلح الفكره شويه انما لو عرفت انه هيخطب لمار هترفض انها ترجعله تاني

نور ..عندك حق طيب دلوقتي اعمل ايه

مروان ..خوديها واعمليلها اجازه كام يوم ترتاح فيهم وتحاولي تهديها ويكون عمر لقا حل

نور ..تمام

خرجت نور من عند مروان واقنعت لمار انها تاخد اجازة كام يوم اما مروان فادخل لعمر وبدا يحكيله اللي اتفق عليه مع نور

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

حط ايده علي رأسه بيأس ..انا تعبت يا صاحبي لمار بضيع مني

مروان ..عمر انت تقدر ترجعها صلح كل حاجه وانت هتعرف تقنعها

عمر ..وانت متوقع انها تسامحني كدا بسهوله

مروان ..اكيد مش سهل بس انت هتقدر تقنع لمار ترجعلك

عمر ..طيب وامي

مروان ..انا زي ما قولتلك قول انك انت وروان مش متفقين وخلاص

عمر ..تمام ربنا يستر

دخلت روان بيت عمر وهي بتبكي قبلتها والدة عمر بخضه

والدة عمر ..مالك يا حبيبتي بتعيطي ليه

روان بدموع التماسيح .. عمر يا طنط

والدة عمر ..ماله عمر عملك ايه

روان ..بيحب واحده في الشركه بي**ني يا طنط دا سبني وجري وراها قدام الشركه كلها

والدة عمر بتوعد ..والله لاربهولك يا حبيبتي مضايقيش نفسك بس وانا لما يجي هفهم منه ايه اللي حصل

روان ..دا قالي انه مبيحبنيش

والدة عمر ..دا غ*ي هو في حد ميحبش القمر ديه

روان بغرور..بجد انا قمر

والدة عمر..اه قمر اومال انا اختارتك ليه يا حبيبتي جمال واخلاق وذوق

روان ..حبيبتي يا طنط

والدة عمر ..يلا يا حبيبتي قومي اغسلي وشك وهتتغدي معانا

روان ..لا يا طنط مش هينفع هستاذن انا علشان مقولتش لماما وتتعوض في يوم تاني

والدة عمر ..تمام يا حبيبتي

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اما عند لمار فارتمت في حضن والدتها واخذت تبكي وبشده

والدتها .. بتعيطي ليه يا حبيبتي

لمار ..مطلعش بيحبني يا ماما

والدتها ..عمر

لمار ..اه وكان مع واحده تانيه يا ماما وشكله بيحبها

والدتها ..طيب سالتيه مين ديه

لمار ..لا خوفت..خوفت اساله يقولي انها حبيبته او خطيبته مكونتش هقدر يا ماما اتماسك

والدتها ..وليه كل الوجع دا يا بنتي كنتي وجهتيه احسن

لمار ..مقدرتش يا ماما والله ما قدرت انا تعبانه اووي

اخذتها والدتها في حضنها واخذت تربط علي شعرها حتي نامت بعمق

عند عمر فادخل البيت وجد والدته اقعده علي الكرسي مستنياه

والدة عمر ..عمر تعالي هنا عايزاك

عمر ..بكرا يا ماما انا مش فايق دلوقتي ومحتاج انام

والدة عمر ..عمر مش هعيد كلمتي تاني تعالي هنا

اقترب منها عمر وجلس امامها ..نعم يا امي

والدة عمر ..زعلت روان ليه ومين البنت المحسوكه ديه اللي جريت وراها

عمر ..البنت اللي حضرتك بتتريقي عليها ديه حبيبتي ومش هجوز غيرها يا امي ولو علي روان فاديه مغروره مش شبهي ولا انا شبها

والدة عمر ..روان ديه بضفر واحده زي البنت اللي ماشيلي معاها ديه روان جمال واخلاق تيجي ايه جمبها

ضحك بسخريه ..اخلاق ...اخلاق اووي كمان

والدة عمر ..ومالك بتتريق كدا ليه

عمر ..لا خالص مفيش بس انتي مخدوعه فيها ولا فيها ذرة الأخلاق اصلا ديه كانت هتبوسني

والدة عمر ..عادي يعني هي لسه صغيره وطايشه شويه وتلاقيها بس علشان بتحبك

عمر ..وهو دا مبرر بذمتك عموما ماشي يا امي انا بعمل اي حاجه بس علشان ارضيكي بس ارجوكي انا لو غالي عندك بلاش ت**ريني ال**ره ديه

والدة عمر..هو انا علشان عايزة اشوفك مجوز ومرتاح ابقي ب**رك

عمر ..اه يا امي علشان ارتاح لازم اجوز اللي بحبها واللي قلبي مرتاح معاها مش اي واحده والسلام

**تت لم تجد رد لتجيب به ابنها فاتركته وصعدت غرفتها

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

كانت تجلس تحدثه كاكل يوم

نور ..روحت البيت

مروان ..اه روحت وخدت دش كمان

نور ..طيب كويس حمد لله على سلامتك

مروان ..عملتي ايه مع لمار

نور ..نوعا ما عرفت اهديها بس هي لحد دلوقتي قفله تيليفونها والنت وبطمن عليها من عند طنط

مروان ..مش سهل بردو تكوني حاسه ان الشخص اللي قدامك بيحبك وفجاه تلاقيه مع واحده تانيه

نور ..فعلا

مروان ..وحشتيني علي فكره

نور ..ايه دا في ايه ما انت لسه شايفني النهاردة

مروان ..بس متكلمناش فاوحشتيني

نور ..احم طيب اتلم

مروان ..ايه طيب مفيش جديد في مشاعرك مش قادره تحني عليا شويه

نور ..مش كدا بس

مروان ..بس ايه

نور ..انا خايفه

مروان ..وخايفه من ايه

نور ..خايفه نكون زي لمار وعمر في الاخر

مروان ..نور ديه مش نهايه علاقتهم دا اختبار لقوة حبهم وهيبان بعد كدا مع الوقت

نور ..بس انا مش زي لمار عمري ما اسامح لو انت عملت كدا

مروان ..ومين قالك يا نور الحب تضحيه وفي اوقات كتير بنضحي وبنسامح علشان نفضل مع اللي بنحبهم الا بقا لو احنا محبنهمش فابنبقا بندور علي اقرب مشكله علشان نلاقيها حجه ونبعد

نور ..مش عارفه يا مروان انا مجربتش احب قبل كدا

مروان ..نور الحب عامل زي الحياه فيها الحلو وفيها الوحش

الحلو انك بتحسي انك طايره فوق في السماء والوحش انك في ثانيه ممكن تبقي علي الارض من تاني وتيجي الحياه تد*كي قلم علي وشك يفوقك الحب صعب بس لذة حلوة تخلينا اننا نستحمل المر اللي فيه علشان ندوق الذه ديه

ابتسمت نور من كلامه ..وانت دلوقتي فين في السماء ولا علي الارض

مروان ..انا بين السماء والارض لا عارف اتبسط واقول انها بتحبني ولا عارف اقول بتكرهني وانزل تاني علي الارض

نور ..طيب انا هقفل بقا

مروان ..ليه ما لسه بدري

نور ..عايزة انام يا بارد يلا سلام

مروان ..سلام يا نور عيني

ابتسمت نور واغلقت الهاتف وهي تقول في سرها بحبك يا غ*ي بس لازم اتاكد ان عينك مش هتروح لواحده غيري

مر يومين ولمار مازلت قفله علي نفسها الاوضه وكل حاجه ممكن توصلها بالبشريه

سمعت صوت نور وهي داخله تهزر كالعاده

نور ..ايه يا ست حلويات مش ناويه تنزلي بقا الشغل

لمار ..لا يا نور مش قادره هنزل واشوفه وهحس اني ضعيفه اووي وانا شيفاه قدامي

نور ..بس مش هتفضلي حابسه نفسك يا لمار انتي مبتخرجيش خالص من اوضتك ومبتاكليش حته كدا غلط عليكي

لمار ..ارجوكي يا نور سيبيني في اللي انا فيه انا تعبانه

نور ..انتي مستسلمه اووي كدا ليه لمار انتي اقوي من كدا لازم ترجعي لحياتك ودنيتك مش هتفضلي قفله علي نفسك

لمار ..يعني انتي عايزاني اعمل ايه اقوم ارقص

نور ..اكيد لا مش عايزاكي تقومي ترقصي بس عايزاكي تفتحي تيليفونك ترجعي تاني تخرجي وتنزلي حتي لو مش هتروحي الشغل

لمار ..لو علي فتح التيليفون اهو يا ست نور فتحت لمار الهاتف وفتحت صفحه الفيس بوك ولكن كانت الصدمه لها

عندما رأت بوست معمول فيه اشاره لعمر وكانت روان منزله فيه صوره ليها هي وعمر وهما بيختاروا الشبكه وبتعزم فيه الناس علي خطوبتها

الصدمه الجمت ل**نها ..هو دا اللي بتقوليلي ارجعي انزلي تاني وافتحي تيليفونك

نظرت نور للبوست فالم تجد ما تقوله ..هو معرفش يف** منها ولا ايه

لمار ..انتي كنتي عارفه حاجه ومخبيه عني

نور..لمار انتي فاهمه غلط هشرحلك الحوار

لمار بزعيق ..تشرحيلي ايه بيخطب يا نور هتشرحيلي ايه لما يجوز

نور ..هو مغصوب علي الجوازة والله

ضحكت لمار بصوت عالي ..مغصوب...ههههه..اول مره اشوف راجل ومغصوب...هههه..اخذت تضحك حتي تحول هذا الضحك الهستيري الي عياط وانهيار عصبي

نور ..اهدي يا لمار ارجوكي

لمار ..متقوليليش اهدي انا مش مجنونه..ليه عمل فيا كدا ليه عشمني طالما هو مش بيحبني

نور ..هو بيحبك والله

لمار ..ما هو واضح الحب يا نور واضح

قامت لمار لتخرج من الغرفه

نور ..رايحه فين يا مجنونه

لمار ..انا لازم افهم ليه حسسني انه بيحبني

نور ..اهدي يا لمار ابوس ايدك وانا هفهمك اللي اعرفه

لمار ..قولي يا نور

حكتلها نور كل اللي تعرفه بس بردو لمار مقتنعتش

لمار..محصلش تغير انا من بكرا هقدم استقالتي ومش هروح الشركه ديه تاني

نور..دا شغلك يا لمار

لمار ..هدور علي شغل تاني

نور ..مش بساهل كدا يا نور

لمار..حتي لو مش هشتغل مش عايزة اشوفه تاني

**تت نور فاهي لا تريد ان تدخل معاها في نقاش حاليا

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اما عمر فاكان متعصب جدا من البوست اللي عملته روان وبقا خايف لتكون لمار شافته وفهمت انه مش بيحبها

قطعه صوت الهاتف وكان المتصل مروان

عمر ..خير يا مروان في ايه

مروان ..لمار شافت البوست اللي روان نزلته

عمر ..نعم

مروان ..لا ومش كدا وبس رأسها والف سيف انها هتستقيل بكرا

عمر ..تستقيل ايه هي ع**طه

مروان..لا مش ع**طه يا عمر علشان كدا مقتنعتش بفكرة انك خطبت بس علشان ترضي امك

عمر ..بس ديه الحقيقه

مروان ..الكلام دا ممكن نصدقه لو بنت انما انت راجل وتقدر تختار كويس

عمر ..طيب قولي انا في ايدي ايه اعمله وانا اعمله

مروان ..حاول تكلم لمار ممكن تعرف تقنعها

عمر ..مليش وش الصراحه

مروان ..يعني ايه ملكش وش لازم تشوفها وتفهمها كمان

عمر ..حاضر يا مروان

اغلق عمر مع مروان واتن*د بتعب

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

في مكان بعيد كانت صوت صرختها ترج المكان تريد احد ان يلحقها من هذا العذاب تشعر بضعف والخزي تشعر بأنها مسلوبة الإرادة

وتين ..ارجوك يا بابا كفايه علشان خاطري اخر مره

عصام ..ابدا انتي لازم تتربي من اول وجديد انا فشلت في تربيتك

ومن ثم رج صوت الحزام مره اخري علي جسدها

صوت والدتها ياتي من الخارج بضعف ..ارجوك سبها يا عصام واض*بني انا مكانها

عصام ..انتي دورك جاي بعدين اصبري علي رزقك اخلص بنتك مقصوفة الرقبة ديه اللي معرفتيش تربيها وبعدين حسابي معاكي عسير

وتين ..ارجوك يا بابا كفايه وانا هعمل كل اللي انت عايزه

عصام ..هتعملي كدا كدا كل اللي انا عايزه بارادتك او غصب عنك بس اربيكي الاول

والدتها ..سبها يا عصام ابوس ايدك سبها

عصام ..بقا بترفضيلي طلبي وبتصغريني قدام الناس

وتين ..انا مش قادره اشوف نظرتهم ليا وقذرتهم واسكت

عصام ..مش عجبك يا اختي دا اللي بيخليكي تطفحي دا اللي بيسليني عايزاني مض*بكيش يبقا تعملي كل اللي انا عايزه بالحرف الواحد

ثم نزل علي جسدها مره اخري بض*بات متتاليه من حزامه حتي فقدت الوعي

تركها وخرج ودخلت والدتها وصرخت بصوت عالي من منظر ابنتها التي تنزف من كل مكان في جسدها حاولت ان تفكيها بكل الطرق ولكن فشلت

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

انتهي البارت اتمني اعرف رأيكم والقي تفاعلكم علي الفصول علشان اكمل وياريت اعرف توقعاتكم اللي جايه عن الروايه بحبكم جدا وانتظروني في الفصل القادم بكرا ان شاء الله ❤

روايه / وتين

للكاتبه / اسراء محمود ❤