وتين?

الفصل الخامس

وقفنا الفصل الفات لما جه يوم ال fashion show

لمار كانت متوترة جدا وكانت بتأكد كل شويه على الفساتين و ال models إللى هتعرض الفساتين

نور جت تجرى على لمار

نور ..فى مصيبه يا لمار

لمار بفزع .. مصيبه ايه

نور ..المودل إللى هتعرض اخر فستان اختفت ومش موجودة فى اى مكان

لمار ..طب واتصلتى عليها

نور ..كل التليفونات بتاعتها مغلقه وجالى اتصال من المساعد بتاعها بيقولى انها جالها شغل تانى وكانت لازم تسافر

لمار بتوتر ..والعمل

نور ..مفيش غير حل واحد

لمار ..ايه هو الحل دا

نور .. انتى إللى تقدمى آخر فستان

لمار بصدمه ..ايه انا

نور ببتسامه ..ايوة انتى يا لمار انتى احلى من اى مودل ممكن تقدم الفستان دا

لمار بصدمه ..بس انا مش هعرف اطلع على المسرح واعرض الفستان .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

جه من وراها عمر

عمر ..لا هتعرفى يا لمار

لمار لفت وبصت عليه كان عمر لابس بدلة سوداء وتحتها قميص ابيض وكان مزز جدا

لمار بتوتر ..اشمعنا انا إللى البس الفستان دا ممكن اى مودل تقدموا

عمر ببتسامه..اولا انا قولتلك الفستان دا بذات مش اى حد هيلبسوا وبعدين فى عقد ممضى عليه بانك المودل إللى هتقدم الفستان دا

لمار بصدمه..نعم ازاى يعنى

عمر ببتسامه طلع ال*قد وإدهولها ..مش دا خطك

لمار خدت ال*قد بصدمه وشافت اسمها وخطها ..بس انا مش فاكرة انى وقعت على حاجه زى كدا

عمر ..انا هفكرك

فلاش باك

لمار كانت خلصت شغلها وراحت لعمر المكتب لان عمر طلبها

لمار بأرهاق واضح على وشها..نعم يا عمر طلبتنى

عمر قلق لما شاف وش لمار وأنها تعبانه وقرب منها ومسك وشها

عمر وهو لسه ماسك وشها ..لمار انتى كويسه

لمار سرحت لما مسك وشها ولما قرب منها بدرجه ديه فجأة

لمار بتوتر ..اة ا ..انا ..كويسه هو حضرتك كنت عايزينى ليه

عمر وهو لسه مقرب منها ..كان فى شويه ورق عايزك تمضيه

لمار ..تمام

عمر بعد عنها وراح عند مكتبه

لمار كانت نفسها تقول لعمر يفضل قريب كدا ما يبعدش بس حاولت تتماسك وترفض الافكار اللي بدور في دماغها

راحت على المكتب ومسكت الورق ومن غير ما تقرا مضت

عمر ..كدا تمام روحى انتى بقا ريحى شويه انتى شكلك تعبان اووى

لمار ..لا انا لسه ورايا شغل كتير

عمر ..كمليه بكرا انما دلوقتى تروحى تنامى وتريحى نفسك شويه اهم حاجه صحتك

لمار باستسلام ..تمام يا عمر عن اذنك

عمر ..اتفضلى

لمار خرجت من مكتب عمر وروحت

انتهى الفلاش باك

عمر ..هاا افتكرتى

لمار بعصبيه .. يعنى انت استغليت انى تعبانه ومضتنى على الورق

عمر ..لا يا لمار مش كدا انتى إللى كنتى تعبانه ولو مكونتيش تعبانه وكنتى قرأتى الورق كنت هقنعك تمضى

لمار ..بس انا مش هعرف اقدم الفستان انا متأكدة انى هتلغبط وهبوظ العرض كله

عمر بثقه..وانا واثق انك هتعرفى وهيبقا احلى fashion show اتعمل فى شركه السيوفى كلها

لمار بتوتر ..بس

عمر ..مفيش بس يلا اجهزى علشان خلاص العرض هيبدا وانا لازم اخرج استقبل الوفد بنفسي

لمار ..تمام يا فندم

عمر بهمس ..قريب اووى هخليكى تشيلى كلمه يا فندم من القاموس

نظرت له بخجل مع بعض التوتر وبدات تفكر في المصيبه اللي اتحطت فيها

عمر سابها وخرج يستقبل الوفد الالمانى

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

لمار بتوتر ..طيب اعمل ايه ياربي

نور ..انتى اتجننتي يا بت

لمار ..شكلى كدا

نور..طيب يلا تعالى علشان تلبسي الفستان وتجهزى

لمار بتوتر ..يلا

ودخلت لمار لبست الفستان ونور ساعدتها وحطت ميكب بسيط وكان شكلها زى القمر

نور بإعجاب..واووو دا انتى مززة آخر حاجه

لمار ..بجد

نور ..اة والله دا اكيد عمر هيجنن لما يشوفك

لمار ..وهو يجنن ليه

نور بغمزة ..يعنى انتى مش عارف يا جميل

لمار ..مش عارفة ايه

نور ..ان عمر هيموت عليكى

لمار وشها احمر من كتر ال**وف

لمار ب**وف ..بيتهيألي انا وعمر اصدقاء وبس

نور .. اصدقاء ايه الكلام دا اضحكى بيه على حد تانى

لمار بتوتر ..طيب اطلعى يلا اقفى مع عمر ومروان برا

نور بتنهيدة ..اوك هطلع بس بلاش تجيبي فى سيرة مروان دا بتخنق وبحس بضيق تنفس كدا

لمار ..والله انتى ظالمه مروان دا معاكى

نور ..اة جدا انا طالعه استقبل الوفد معاهم

لمار ..اوك

نور طلعت وراحت ناحيه عمر ومروان إللى كانوا واقفين مع الوفد الالمانى

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

نور اول ما وصلت رحبت بيهم

نور برقه.. Wilkommen

الترجمة: اهلا بكم

مارك بإعجاب وهو بيبوس ايد نور .. Wilkomme Schöne Frau

الترجمة: اهلا بك سيدتى الجميله

مروان اتعصب جدا لما شاف نظرات الإعجاب إللى فى عيون مارك واتعصب اكتر لما شاف مارك وهو بيبوس ايد نور

مروان مسك ايد نور وشدها بعيد واستاذن من الوفد وخرج بيها برا القاعه خالص

نور بعصبيه ..براحه هو انت بتشد جموسه وراك

مروان بعصبيه ..ما هى لو جموسه فعلا ما كنتش عملت كدا

نور بعصبيه..وانا عملت ايه علشان تشدنى كدا زى الجموسه

مروان وقف وقرب منها ..يعنى انتى مش شايفه نظرت الإعجاب إللى فى عيون مارك ليكي لا وكمان سبتيه يبوس ايدك ومزعقتيش فيه ولا عملتى اي رد فعل وشاطره بس كل ما اقولك كلمه تزعقي فيا وتتخانقي معايا

نور بعصبيه ..وانت مالك انت اسيبوا يبوس ايدى ماسبيهوش انت ملكش فيه اما بقا مضايق علي معاملتي ليك فابردو ديه حاجه تخصني

مروان قرب اكتر ..لا ليا يا نور وليا اووى كمان

نور بتوتر .. ليك ايه

مروان بهمس ..انا معجب بيكى يا نور ومش قادر اشيلك من تفكيري

نور بصدمه ..معجب بيا انا

مروان ..ايوة انتى

نور بصدمه ..بالسرعه ديه

مروان..الصراحه مش عارف بس احنا بقالنا شهر وطول الشهر وانا وانتى مع بعض واتعرفنا اكتر انا عارف انى متسرع وصرحت عن مشاعرى بسرعه بس انا مش قادر اكتم مشاعرى جوايا لدرجه ديه فهمانى يا نور

نور كانت فى حاله صدمه مش مصدقه ان مروان واقف قدامها وبيعترفلها بحبوا

مروان ببتسامه ..سرحتى فى ايه

نور بصدمه ..انا مش عارفه اقولك ايه بس يا مروان انا مش حاسه بحاجه من ناحيتك او مش حبه اتسرع واحكم علي مشاعري بس اللي اعرفه ان دا مش وقت الكلام في المواضيع اللي زي ديه احنا عندنا شغل ولازم نشتغل كويس عليه

مروان ..يعني ايه يا نور بترفضيني يعني

نور ..انا مرفضتش ولا وافقت انا مش حبه ادخل في علاقه دلوقتي ولا جاهزه ليها

مروان ..تمام يا نور انتي حره

نور بتوتر ..طيب انا هدخل جوا علشان الوفد وبعدين ما ينفعش الواقفه ديه تحصل تاني

مروان بضيق ..تمام انا اسف

بعد مروان ودخل القاعه تاني اما نور فافضلت واقفه مكانها مش عارفه ليه

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند لمار كانت مستعده انها تخرج لحد ما بدا ال show وبدأت كل مودل تخرج تعرض الفستان من الفساتين بتاعتها

والوفد كان مبهور من الdesiagns جدا ومن الماتريال اللي مختاره بدقه عاليه كان عمر حاسس بفخر بالت**ميات بتاعته

خلصت كل الفساتين وجه دور ان لمار تدخل

بعد ثوانى معدودة وكان فى حوريه جميله بتدخل بالفستان بتاعها الكل كان مبهور من جمال الفستان وت**يمه الفريد عن باقي الفساتين ومن جمال لمار اللي كان مجمل الفستان اكتر كان الكل مندهش من شكل الفستان إللى كان شكلوا متفصل عليها او معمول علشانها وماينفعش حد غيرها يلبسوا

عمر كان اقاعد معجب بجمال لمار ومن جمال الفستان وكان قلبوا بيدق مع كل خطوة من لمار

عمر كان حاسس بالغيرة من نظرات الاعجاب اللى فى عيون الوفد وندم انوا خلا لمار عرضت الفستان دا

خلصت لمار عرض الفستان ودخلت تانى لجوا عمر استأذن ودخلها

عمر بحب ..كنتى حلوة اووى النهاردة

لمار بفرحه..بجد يعنى انا قدمت الفستان كويس

عمر ..اة جدا

لمار بفرحه ..الحمد لله انا كنت خايفه اووي كنت حاسه اني هبوظ العرض كله

عمر بحب ..اوعى تخافى طول ما انا جمبك

لمار ا**فت وبصت فى الارض

عمر رفع راسها ..اوعى تبصي فى الارض تانى يا لمار ولا حتى علشان م**وفه وبذات معايا خليكى دايما رافعه راسك

لمار ب**وف ..حاضر

عمر ..يلا غيري الفستان علشان المفروض تطلعى على المسرح دلوقتى

لمار ..تمام

دخلت لمار وغيرت الفستان ولبست فستان قصير من الون الاوف وايت ومفتوح من الضهر فتحه على شكل قلب وسيبت شعرها

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

لمار خرجت وعمر قدمها

عمر بجديه ..اتمنى ان تكون ت**يمات الشركه تكون عجبتكم واتمنى ان ال fashion show عجبكم

ثانيا احب اشكر أكبر واشطر fashion desigan فى الشركه وهى لمار القاضي

لمار خرجت والكل سقفلها

عمر وهو بيبصلها بحب ..احب اشكرك على مجهودك العظيم معانا فى الشركه

لمار ببتسامه جميله ..انا معملتش حاجه المهم ان تكون desigansعجبت حضراتكم وطبعا دا بمساعده المهندس عمر إللى ساعدنى كتير فى الdesigans ديه

عمر بجديه..وكمان حابب اشكر المهندس مروان والانسه نور ساعدونا كتير فى د*كور والshow

عمر نزل هو ولمار من على المسرح عمر بص للمار وشاف ابتسامتها وابتسم على جمالها وخفت دمها وروحها الحلوة

المترجم..استاذ مارك معجب جدا بالshow ومعجب جدا بشغل المهندسه لمار وعجبوا آخر فستان و بيقول لو ينفع يشتريه

عمر بندفاع .. لا الفستان دا مش للبيع بذات

المترجم باستغراب ..ليه

عمر ..لان ما ينفعش حد يلبسوا تانى انا اسف جدا

المترجم ..لا ولا يهمك

قطع كلامهم صوت تليفون لمار

لمار ..عن اذنكم ثوانى

وكانت مامت لمار إللى بتتصل

لمار ..الو يا ماما

مامت لمار بصوت ضعيف ..الو يا لمار خلصتى ولا لسه

لمار بقلق ..مالك يا ماما انتى تعبانه

مامت لمار بضعف ..شويه تعب بسيط متقلقيش

لمار بقلق ..لا انا جايه حالا

رجعت لمار عند الوفد

لمار ..انا لازم استأذن دلوقتى اسفه جدا بس ماما تعبانه

عمر ..طيب استنى يا لمار هوصلك

خرجت لمار تجري وعمر وراها

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر بص مروان وغمزلوا بعنيه بمعنى انوا يفضل مع الوفد مكانوا

وخرج عمر ولمار وركبوا العربيه

لمار كانت قلقانه وعماله بتعيط

عمر وهو بيسوق.. اهدى يا لمار ان شاء الله خير

لمار بدموع اكتر ..هى اكيد نسيت تاخد الدواء بتاعها واكيد تعبت يا رتنى كنت فضلت جنبها انهاردة انا السبب

عمر ما قدرش يشوف دموعها ويسكت وقف العربيه وشدها لحضنوا

عمر وهو بيهدى فيها ..اهدى يا لمار هى هتبقا كويسه

لمار فضلت فى حضن عمر لحد ما هديت وحست بالى حصل وبعدت عن عمر وهى م**وفه

عمر بمزاح..ايه حضنى عجبك صح

لمار ب**وف ..بس بقا وبعدين سوق بسرعه علشان ماما

عمر ..ماشي يا جميل

لمار طول ما هى ركبه من عمر بصه من الشباك وهى م**وفه

عمر كان بيبص للمار ويبتسم وكان فرحان جدا انوا خدها فى حضنوا وكان نفسه تفضل فى حضنه على طول

لحد ما وصلوا العمارة بتاعت لمار

لمار لفت وبصت لعمر ..شكرا جدا يا عمر

عمر ..على ايه وبعدين انا هنزل معاكى ونشوف طنط سوا

لمار ..بس

عمر ..هطلع معاكى مفيش نقاش وهطلب الدكتور يجى

لمار بستسلام .. تمام يلا

نزل عمر ولمار وطلعوا العمارة لمار كانت طلعه السلم بتجرى وفتحت الباب ودخلت

لمار ..اتفضل يا عمر

عمر دخل واقعد ..ادخلى انتى شوفى مامتك وانا اقاعد هنا لحد ما الدكتور يجى

لمار ..تمام

دخلت لمار اوضه مامتها

لمار .. ماما عامله ايه

مامت لمار بتعب..اهدى بس يا لمار انا كويسه متخافيش

لمار بدموع ..لا انتى مش كويسه شكلك تعبانه جامد

مامت لمار وهى بتمسح دموع بنتها ..اهدى يا حبيبه ماما انا كويسه يا حبيبتي

فى الوقت دا جه الدكتور عمر خبط على لمار

عمر ..لمار الدكتور جه

مامت لمار ..مين ده يا لمار

لمار ..دا المهندس عمر صاحب الشركه وجه معايا علشان يطمن على حضرتك

مامت لمار ..شكرا يا بنى

عمر ..العفو يا امى ادخل الدكتور

لمار ..ماشي

دخل الدكتور وكشف على مامت لمار

لمار ..خير يا دكتور

الدكتور ..متخافيش يا انسه هى بس شكلها مخدتش الدواء بتاعها فى معادوا و الضغط بتاعها كان عالى شويه ياريت بس تنتظم على الدواء ده

عمر خد الروشته من الدكتور..شكرا جدا يا دكتور

عمر وصل الدكتور وحاسبوا

عمر بص لمار..انا هنزل اجيب الدواء دا واجى

لمار..ماشي

عمر نزل وراح يجيب الدواء

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند لمار ومامتها

مامت لمار ..هو دا عمر إللى انتى حكتيلى عنوا صح

لمار ب**وف ..ايوة يا ماما

مامت لمار ..شكلوا محترم وابن ناس وشكلوا بيحبك

لمار ب**وف..بيحبنى ايه بس يا ماما

مامت لمار ..لا بيحبك مكانش ساب الوفد الالمانى المهم وجه علشانى وعلشان يوصلك ويطمن عليكى المهم انتى بتحبيه

لمار بتهرب..طيب انا هقوم اعملك حاجه سخنه تشربيها

مامت لمار وهى بتبسم..ماشي يا لمار

خرجت لمار من اوضه مامتها وفى الوقت دا جه عمر

عمر ..اتفضلى يا لمار العلاج

لمار ببتسامه..شكرا جدا يا عمر

عمر ..مفيش،شكر بنا يا لمار

لمار ..انت بجد صاحب جدع يا عمر

عمر كشر واضايق انها لسه بتعتبروا صاحبها ..شكرا يا لمار عن اذنك بقا

لمار ..ماشي يا عمر مع السلامه

عمر مشي وكان زعلان انها لسه بتعتبروا انوا مجرد صديق

عند لمار دخلت وادت الدواء لمامتها وسابتها تنام ودخلت تنام هى كمان بس فضلت تفكر في اليوم كله من اوله الاخره ومن نظرات عمر ليها وقربه المهلك بنسبالها ولما حضنها كانت حاسه بدفء غريب مكانتش عايزة تخرج من حضنه كانت مستغربه ان كل دا بيحصل وبسرعه اووي وهي ولا عارفه تتمالك نفسها ولا عارفه تفهم مشاعرها وتتاكد منها وخايفه يكون هو مبيحبهاش ودا كله مجرد اعجاب أو من باب الصداقه بس اخذت تفكر حتي غلبها النعاس وسقطت في نوم عميق

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

انتهي البارت

روايه / وتين

للكاتبه / اسراء محمود