"IF YOU change your mind, you can still come back. Open pa rin ang kumpanyang ito sa'yo." nakangiting saad ni tita Margie kay Mellie. Nagyakapan sila ng matanda. Sunod na niyakap niya ay si tito Mauro. Katatapos lang ng speech nito dahil binati ang mga empleyado at nagpasalamat din sa kanya at sa naging trabaho sa kumpanya.
"Thanks, tita." anas ni Mellie saka ito pinakawalan.
"Will you really be okay?" seryosong tanong ni Mauro.
Determinadong tumango si Mellie. "Yes, tito. Everything is set. Kumpleto na ho ang lahat. Nailipat na rin ng mga katulong ang mga importanteng gamit ko doon. Puwede na ho akong dumiretso sa titirhan ko."
Tumango ito. Napaungol naman si tita Margie na ikinatawa ni Mellie. "Mellie, nangako ako sa nanay mo. Hindi ko mapigilang magalala."
"Tita, I'll be okay. Trus
