Ilang pabalik-balik ang naging hakbang ni Chanel sa loob ng kanyang silid, sa hilatsa ng kanyang mukha ay hindi maitatanggi ang labis na pag-aalala sa gagawing pag-uusap ni LV at ng dati niyang kasintahan sa loob ng kanyang apartment nang silang dalawa lang. Kung siya lang ang masusunod ay nais niya sanang sumama sa loob at makinig sa pag-uusapan nila, kaya lang ay agad naman siyang tinamaan na ng labis na hiya. At nang dahil na rin sa tinatawag na privacy kung kaya naman ay hindi niya na pinatulan pa ang pag-aaya sa kanya ni LV sa kanya kanina na sumama sa kanila sa loob ng kanyang unit. Nais na sana niya iyong gawin mabuti na lang at napigilan niya ang kanyang sarili, baka mamaya kung ano na naman ang makarating sa ina ni LV na kabalasubasang gawa niya.
“Sana pala ay pumayag na lang
