Marahang itinipa-tipa ni LV ang kanyang mga daliri ng kaliwang kamay na nasa ibabaw ng manibela habang matamang pinagmamasdan niya pa rin si Chanel na humahakbang na palapit ng kanyang sasakyan upang lumulan na rin ito. Malawak pa rin ang ngiti ng aktres nang makita kung gaano na siya naiinip sa kanyang paghihintay. Ganunpaman ay hindi siya pinansin ni LV na seryoso nang nakatingin sa kanya ngayon na halata ang pagkainip sa mga mata niyang nakasunod sa bawat galaw ng aktres, hinid man niya iyong tahasang sabihin.
“Sorry kung medyo natagalan,” nahihiyang sambit ng aktres pagpasok niya pa lang ng pintuan ng passenger seat ng sasakyan, halata sa kanyang boses ang pagkapahiya. “Si Mommy kasi ang daming bilin sa akin.” bahagyang nguso pa nito habang hinihila na ang seatbelt sa likod ng sasa
