Ilang minuto nang nakahiga sina LV at Chanel sa kama nito na nasa loob ng malawak na silid ni LV. Nakatihaya si Chanel na lagpasan sa kisame ang namumugtong mga mata. Nakayakap naman sa kanya si LV na panay ang buntong-hininga, nakasubsob ang mukha nito sa leeg ni Chanel. Pareho silang nagpapakiramdaman kung sino sa kanila ang siyang mauunang magsasalita at magbubukas ng paksa. Hindi na maitago pa ni Chanel ang lungkot na lumulukob sa kanyang mga mata, na sa halip na maglaho na ay lalo pa iyong sumidhi at tumagal sa kanyang sistema. Lalo pang na-depina ang katahimikan ng buong paligid nang ipikit ni LV ang kanyang mga mata at bahagyang isiksik pa iyon sa leeg ng kanyang nobya. Unti-unti na siyang iginugupo ng pagod na bunga ng mga nangyari at naging biyahe nila. Ilang beses pang huminga na
