"Anong maipaglilingkod ko sa 'yo?" malambing na sabi nito. Kahit natatakot, pilit nagpapakatatag si Mindy. Alang-alang sa hiling niya. Mabilis siyang tumayo. Nanatiling nakalutang ang cellphone niya sa ere.
"Balita ko, nagbibigay ka raw ng hiling. Totoo ba 'yon? Kailangan ko kasi," taas-noong sabi niya. Nakapameywang pa ito.
Isang nakabibinging tawa ang umalingawngaw sa paligid. Napatakip si Mindy sa sariling tenga.
"Ano ba? Bakit ka ba tumatawa? Ibigay mo na ang hiling ko nang matapos na. Ang hiling ko ay..."
"Hindi lang pala matabil ang dila mo, mainipin ka rin. Gusto ko 'yang ganiyang ugali. Nararamdaman kong lumalakas ako." At muling tumawa siya nang malakas.
Naiinis na si Mindy. Mukhang pinaglalaruan lang siya nito.
"Ganoon naman pala. Ibigay mo na ang hiling ko, bilis!" Sanay k
