Napangiti si Rick nang makitang nakatulog na rin ng tuluyan si Mang Elmo, ang embalsamador ng funeral. Medyo matagal din ang epekto ng pampatulog na inihalo niya sa kape nito. Dumating siya na nasa labas ito at naninigarilyo. Nagpakilala siya at ipinakita pa ang tarheta ng amo nitong si Simon. Naniwala naman ito sa alibi niya na titingnan ang isang kabaong at nakalimutan ang presyo kaya bumalik din siya kaagad. Kukuhaan na rin niya ng larawan para ipakita sa asawa nito kung ano ang nais na gamitin.
Sinabi niyang nagbakasali siyang narito ang amo nito dahil hindi sumasagot sa mga tawag niya. Tatawagan sana ito ng matanda kaso lang sinabi niyang tutal narito na naman siya, dito na lang siya magtatanong.
Pumayag naman ito kaya dumiretso sila sa loob para ipakita ang kabaong na gusto niya sa
