Nag-inat si Rick matapos na mailagay sa ref ang mga lamang-loob. Bilin kasi sa notebook, huwag itong itapon at ilagak sa malamig na lugar lamang.
Masayang tinungo niya ang sala at doon na lamang nahiga. Padapang nakatulog siya nang mahimbing.
***
Excited na nagising si Rick kinabukasan. Hindi na niya alintana ang pagod at naganap kagabi lang. Nais niyang malaman kung anong business kaya ang ibinigay sa kaniya ng wishlist.
Kahit nangalay sa pagkakadapa ay kagyat na bumangon si Rick at sumilip sa labas ng bintana. Baka lang kasi may taong darating gaya ng nangyari noong una.
Subalit, dumaan na ang maghapon wala pa ring natatanggap na anuman si Rick. Nagtataka na siya dahil dati naman ay maaga ang mga ito, anong nangyari?
Pabagsak na naupo si Rick sa sofa. Katatapos niya lang kumain ng
