#BYAHBook2_InHisArms
EPISODE 33
Nakasalampak nang pagkakaupo sa nakalatag na karton sa sahig si Kameon. Nasa pinakagilid siya ng maliit na kulungan kung saan siya nakakulong ngayon. Maliit lamang ang kulungan na pinaglagakan sa kanya dahil sa isang police station lang naman siya dinala. Nag-iisa lamang siya sa loob dahil wala pa sigurong nahuhuling iba pang kriminal ang mga pulis na kanina pa niya kinaiinisan. Paanong hindi siya maiinis sa mga ito, kahit kasi anong paliwanag ang ginawa niya ay pawang mga bingi lamang ang mga ito at hindi siya pinakinggan.
Napapikit ng mga mata si Kameon. Tipid itong napangiti ng makita ang imahe ng gwapong mukha ni Khiro. Si Khiro na mahal na mahal niya.
Sa totoo lang, hindi niya pinagsisisihan ang mga nagawa niya kay Howard na dahilan k
