#BYAHBook2_InHisArms
EPISODE 24
“Nasaan tayo?” tanong ni Khiro kay Kameon habang nakatingin siya rito. Kabababa pa lamang nila ng taxi na kanilang sinakyan. Nasa tapat sila ngayon ng gate ng isang malaking bahay.
Napangiti habang nakatingin rin si Kameon kay Khiro.
“Nandito tayo sa bahay namin…” sabi ni Kameon na ikinagulat ni Khiro.
“Teka… Akala ko… Bakit ba tayo nandito?” sunod-sunod na sabi at tanong ni Khiro.
“Huwag kang mag-alala… Nandito lang tayo ngayon kasi kukuha lang ako ng mga damit at gamit ko para sa pag-alis nating dalawa…” sabi ni Kameon ng nakangiti. “Akala mo siguro ito ang lugar na pagdadalhan ko sayo noh?” nakakalokong tanong pa nito.
Napailing at napangiti na lamang ng tipid si Khiro.
“Halika na nga…” pag-aaya ni Kameon.
