#BYAHBook2_InHisArms
EPISODE 27
Mag-isang nakatayo si Khiro sa veranda ng hotel suite na kanilang nirentahan. Pinagmamasdan ang ganda ng tanawin ng Tagaytay na ngayon ay nababalutan ng dilim dahil sa gabi na. Pero kahit na madilim na ang paligid ay tanaw na tanaw pa rin niya ang ganda ng nasa ibaba dahil sa liwanag ng buwan at mga nagkikislapang mga liwanag ng ilaw na nanggagaling sa kung saan-saan.
Napasalikop ng magkabilang kamay si Khiro. Nakaramdam kasi siya ng lamig dahil sa pagdampi ng malamig na simoy ng hangin sa kanyang balat. Nakasuot rin lang kasi ito ng sandong puti at may kahabaang short kaya hindi rin nito maiwasang hindi makaramdam ng lamig.
Napapangiti si Khiro sa namamasdan ng kanyang mga mata. Nakakarelax kasi sa pakiramdam ang mga nakikita niya.
