HINDI maintindihan ni Esang kung ano ang gagawin sa mga oras na iyon. Nahihirapan na siyang itago ang kaniyang nararamdaman kay Haven. Palagi na lamang ito out of coverage area sa tuwing tatawagan niya. Papunta na sila sa party ni Geneva, nakasunod sila sa taxi na sinakyan nito at ni Eleanor. Nag-motor lang silang dalawa ni Esmael, pumayag na rin ang Lola Sarah niya at masaya naman siya sa pagpayag nito. Ang inaalala niya lang ay ang kaniyang nobyo na si Haven. Ayaw niya kasi ito na magalit kapag nalaman nito na umalis siya at pumunta sa isang party na hindi siya nakapagpaalam.
Nag-iwan na lang siya ng mensahe ditto kanina bago sila umalis. Bahala na kung magalit ito sa kaniya. Hindi na lamang niya sasapakin ang lalaki kung sakaling susunduin siya nito bukas. Ang mahalaga ay nakapagpaala
