Natapos ang practice nila Esang saka Esmael. May progress naman sa kanilang plano at may kakaunti na silang nagawa ng lalaki. Kaya malakas ang loob niya na magiging maganda ang kanilang presentasyon na dalawa. Hindi naman kasi importante kung gaano kagara ang kanilang ipapalabas, kundi kung paano no’n makukuha ang puso ng mga manonood. Hindi niya alam kung ano ang gagawin sa mga oras na iyon. Sana ay ayos lang at hindi magiging overacting ang lahat.
“Susunduin ka ba ni Kuya Haven mamaya?” tanong sa kaniya ni Esmael nang naglalakad na sila papunta sa kanilang next class.
Kumibit-balikat si Esang sa tanong na iyon ng lalaki. Hindi niya alam kung ano ang isasagot. Wala naman kasing sinabi si Haven sa kaniya kanina nang ihatid siya nito. Basta lang na umalis ito kanina. Wala namang binilin
