Ilang minuto silang tahimik. Hindi niya alam kung bakit niya 'yon ginawa. Dapat ay naging mas maingat siya. Ang sabi nga niya, hindi si Jowee 'yong tipo na tulad ng ibang babae. Kakaiba ang kasintahan niya at ang ginawa niya kanina ay baka magdulot ng lamat sa relasyon nilang dalawa.
"Pasensya na," mabilis niyang bawi. Napahilamos pa sa mukha at nag-iwas ng tingin. Tinuon niya ang tingin sa ibong lumilipad sa malayo. "Hindi ko alam ang ginagawa ko," pag-amin niya.
Hindi umimik si Jowee. Nakatitig lang ito sa kaniya na para siyang tinubuan ng dalawang ulo. Gulat na gulat na may kaunting takot sa hitsura. Napapikit siya sa inis. Kung bakit kasi hindi siya nag-ingat!
Ilang segundo pa ay nag-iwas na ng tingin si Jowee. Muli nitong binaling ang tingin sa ilog sa ibaba at tahimik na pinagmas
