CHAPTER 48
Hindi ako alam kung gaano ako kabilis nakarating sa hospital. Wala akong maalala mula pag-alis ko ng bahay hanggang sa nakasakay ako ng trysikel. Naramdaman ko na lamang na nasa hospital na ako nang sinalubong ako ni Father Ricky. Alam niya kasing hindi ako makapapasok dahil binilinan ng Daddy ni Rhon na huwag akong papasukin.
“Ano hong nangyari? Kumusta na ho si Rhon, Father.”
“Akala namin mamatay na siya kanina. Hindi na siya humihinga. Nang ni-revive siya humihinga na uli ngunit alam namin, pati ang mga doctor binigyan na siya ng taning na maaring kahit anong sandali o oras, mawawala na siya sa atin. Mula nang umalis ka, lalong humina ang kanyang katawan. Parang hindi na siya lumalaban kaya kahit kontra ang kanyang mga magulang, inil
