Pagkatapos i-park ang sasakyan sa underground basement ng condominium ay nagmamadali nang nagtungo si Maria sa elevator paakyat sa palapag ng unit nila. Tahimik at mabilis ang naging byahe ng dalaga sa kanyang pag-akyat. Bago kumanan sa hallway ay napansin nang dalagang yaya ang kanyang boss na nakasandal sa pader habang nakahalukipkip.
Nakayuko ito at para bang nakikipagkompetensiya ng titigan sa marmol na sahig. Noong makaramdam ito ng mga yabag na paparating ay kaagad itong nag-angat ng paningin. Nagkatinginan silang mag-amo.
"Boss," magalang na bati ni Maria saka marahang tumango.
Gumanti lang ng tango si Lemuel.
Akmang lalagpasan na sana ni Maria ang kanyang boss dahil mukhang wala naman itong balak na pumasok pa sa kanilang unit, kaya lang ay narinig niya itong magsalita sa mala
