Ilang oras ding nakipaglaro si Onyx kay Lily. Natulog pa ang bata sa kwarto ng dalaga. Pagsapit ng alas kwatro ng hapon ay ginising na niya ito at ihinatid sa kabilang unit. Alam naman ng bata na may pupuntahan ang dalaga kaya hindi ito nag-tantrum.
"Kinakabahan ako,"
Lumingon si Onyx sa kaibigan na nakatapis lang ng tuwalya.
Ngayon nila gagawin ang planong pagpunta sa auction house upang hanapin ang taong makakapagturo sa kanila kung saan nabili ang necklace na pag-aari ng kanilang ate Lira bago iyon napunta sa charity auction.
"Come here, I'll do your make up," seryosong sabi ni Laurize. Sa isang kamay ay may dala-dala itong make-up kit.
Naligo muna si Onyx kanina bago niya ginising si Lily at ihinatid sa unit ng mga ito.
Pinagtaasan lang ni Onyx ng kilay ang kanyang kaibigan.
