Chapter 27
MALAPAD ang ngiti ng bawat mga estudyante sa mga labi nila habang nakatingin sa stage ng hall na pinagdadarausan ng recognition.
Ito ang pinakahihintay ng bawat isa. Ang araw ng pagtatapos. Hindi maitatanggi sa kanilang mga mata ang kasiyahang nadarama. Maging kami ni Georgia ay iyon rin ang nararamdaman.
Magkatabi kami ngayon sa upuan at panay ang ngiti namin habang nakikinig sa program na inihanda ng Nestle University.
Maging ang mga guro namin ay nakangiti rin. Kahit nalulungkot da aming pagtatapos, masaya parin sila para sa amin.
Hindi na ako sumabay kay Nido kanina papunta rito. Hindi pa ako handang makinig sa paliwanag niyang walang kabuluhan, o sadyang sarado pa ang isip ko para sa paliwanag niya?
Huminga ako nang malalim nang sulyapan ko siya mula sa kinauupuan
