ALJANA'S POV
Tahimik kong pinagmasdan ang bayan sa taas ng bundok kung saan ay madalas akong pumunta rito kasama ang iba. Ngunit, ako lang ang nandito ngayon. Ilang araw ko na silang hindi nakita dahil may inaasikaso sila. Pati ako ay may inasikaso rin pero tapos na ako kaya pumunta ako rito para magpahinga.
Napangiti ako nang maramdaman ang malamig na hihip ng hangin. Nakakagaan sa pakiramdam. Ilang araw na akong walang tulog kaya ngayong wala akong ginagawa ay nakakaramdam ako ng antok.
Umupo ako sa damuhan at sumandal sa puno. Matutulog muna ako. Makalipas ang ilang minuto ay nagsimulang bumigat ang mga mata ko hanggang sa tuluyan akong nakatulog.
Nagising ako dahil sa mga daliri na sinusuklay ang buhok ko. "Hmm?"
Inangat ko ang tingin ko sa taong gumawa nito at nakita si Russell.
