Nakakabingi ang katahimikan sa loob ng library na nasa mansyon. Kumukunot ang noo at nagsasalubong ang kilay ni Oliver. Nakatitig ang mga mata niya sa papel na nakapatong sa mesa. Hindi mapakali sa pagkakaupo at kagat-kagat ang dulo ng ballpen na hawak. Lumulukot ang mukha at kita sa kanya na nahihirapan sa binabasang nakasulat sa papel. Isa iyong questionaire sa Math na pinapasagutan sa kanya ni Jericho matapos siya nitong turuan ng una nilang lesson.
Umayos naman sa pagkakaupo si Jericho. Nasa kabilang mesa ito at kaharap lamang ni Oliver. Panaka-naka niya itong tinitingnan at saka ngingiti dahil nakikita niyang nahihirapan ito. Naturuan na niya ito kanina pero mukhang hanggang ngayon ay hirap pa rin itong sagutan ang mga problems na nasa questionaire na ibinigay niya.
Pamaya-maya ay h
