Chapter 44
JEANNA
BUMALIK na ang dati naming samahan ni Twinkle. Masayang-masaya ako dahil nagdesisyon na rin siyang bumalik rito sa probinsya at mag-apply sa mga school habang nag-re-review para sa board exam.
Dahil wala akong pasok sa school ay nagyaya siyang lumabas.
"Jea, may sasabihin ako sa'yo pero huwag kang mabibigla, ha?" sabi niya habang sinisipat ang sarili sa salamin.
"Sanay na ako sa mga pa-surprise mo kaya hindi na ako mabibigla," patawa-tawang sabi ko.
"Pupunta raw dito si Jerico."
"Ano?! At anong gagawin niya rito?" eksaheradang sabi ko. Akala ko ay tapos na ang problema ko sa kaniya pero mukhang magsisimula na naman.
"OA lang? Pupunta raw siya dito at magpapaalam sa mga magulang mo para ligawan ka."
"Seryoso siya?! Twinkle naman. Hindi dahil okay na sa akin
