HERA
"Good morning, beautiful." Masayang pagbati sa akin ni Vaughnn pagpasok ko sa kusina. Isang maaliwalas na ngiti ang ibinungad niya sa akin na kabaligtaran ng dating inaasal niya sa tuwing lumalapit sa akin.
Sinuklian ko naman iyon ng nagtatakang tingin. "What's good in the morning?"
Hindi naman siya nagpatinag at ngiting-ngiti pa rin.
"Breakfast is ready." Dumako naman ang tingin ko sa mga pagkain na nakahain sa lamesa. May sunny side-up, fried rice, bacon, hotdog at tinapay. May naka-ready ring gatas.
"Happy birthday." Nakangiting bati ko. Siya naman ang kumunot ang noo at nagtataka sa sinabi ko.
"Hindi mo ba birthday ngayon? Akala ko kasi birthday mo kaya nag-ready ka ng breakfast."
"It's not my birthday. Ngayon lang ako nakarinig na pritong itlog ang handa sa birthday."
