TUMATAHIP ang dibdib ni Hymae habang papunta sa opisina ni Louie. Kung anu-ano na ang sinanay niyang isasagot sa kung ano man ang itatanong nito sa kaniya. Iniisip na tuloy niya na baka nalalapit na ang mitsa ng pagkatanggal niya sa pinagarap na magandang trabaho.
Nasa tapat na siya ng pinto ni Louie pero nag-aalangan siyang kumatok baka hindi niya magustuhan ang ibubungad nito sa kaniya. Huminga muna siya nang malalim at saka kumatok. Narinig niyang may sumagot sa loob. Hinay-hinay pa niyang inikot ang seradura para buksan ang pinto.
“Please come in!” bungad sa kaniya ni Louie. Binati naman niya ito.
Nahiya pa siyang lumapit at nangangamba sa maaaring sabihin nito. Bukod sa posibleng nakita siya nito kasama si Lorrence ay wala naman siyang kapalpakang ginawa sa trabaho. Sininyasan na s
