TUMUNOG ang malakas na alarm clock sa ibabaw ng side table ni Hymae. Naka-set sa alas-kuwatro ng madaling araw ang oras niya kapag magkasama sila ni Lorrence. Umaalis kasi ito bago pa man magising ang ibang mga staff o mga guest. Sa tagal na nilang ginagawa ay nanatiling lihim ang pagsasama nila sa iisang kuwarto.
Sanay na siyang iiwanan siya ni Lorrence nang ganoon kaaga. Babalik pa kasi ito sa cabin nito. Naghahanda siya para pumasok sa trabaho nang makatanggap ng mensahe sa cellphone. Nag-abala siyang basahin ito.
Kumunot-noo siya nang mabasa ang mensahe ni Louie. Hindi siya makapaniwala na makatanggap siya ng personal complain galing sa isang guest. Umagang-umaga ay mabubungaran siya ng kamalasan. Pinarereport siya ni Louie sa opisina nito.
Wala siyang nagawa. Hindi na lamang siya n
