KAPAG isang taon lang ang pagitan niyong magkapatid, either magiging magkaibigan kayo o marami kayong mga bagay na hindi talaga mapagkakasunduan. 'Yon ang sabi ng mga magulang nina Hunter at Harvey Acosta sa kanila sa tuwing nagtatalo sila sa maliit o malaki man na bagay.
Oo, nasa huli silang kategorya ni Hunter. Parati silang nag-aaway. Hindi sila magkasundo, simply because milya ang layo ng mga ugali nila. Kagaya na lang ngayon, umuusok na ang ilong ni Dr. Harvey Acosta sa inis ngunit ang kapatid niyang si Hunter Acosta ay binabalewala lang 'yon. Sanay na talaga 'to na ang lahat ng bagay ay ginagawang biro. Kahit pa seryoso 'yon at hindi naman lingid 'yon dito.
"Relax," nakuha pang sabihin sa kaniya ni Hunter. Kung hindi rin lang talaga ito ang mas nakakatanda, matagal na niyang nasa
