KURT DE MERCEDES
ITO NA ANG PINAKAMASAKIT na nangyari sa tanang buhay ko. Nandito ako sa morgue at kaharap ko ang babaeng mahal na mahal ko. Ang lalong nagpakirot sa puso ko, halos hindi ko na siya makilala. Una, dahil kalbo na siya at pangalawa, sunog ang buong katawan niya. Walang tigil naman sa pagpatak ang luha sa mga mata ko. Ang sakit lang isipin kung bakit sa ganitong paraan binawi ang buhay ng mahal ko. Dapat masaya lang kami ngayon, kasal sana namin. Matagal na namin itong hinintay na mangyayari. Pero humantong lang sa hindi katanggap-tanggap na trahedya na katulad nito.
Hinawakan ko ang mukha ni Tia, naninigas na ito dahil sa pagkasunog niya. May ibang parte ng balat niya ang nawala.
"Babe," sambit ko.
Humagulgol ako nang maisip ang nararamdaman niya habang nasusunog. Alam
