Ang Pagkakaiba
ng Maging Santo na Wala na sa Kalendaryo
at ng Inkomunikado,
O ang Pagkakalulong ni Padre Aquino
sa Ideyang Siya ang Muling Pagkabuhay ni San Kristobal
Maliban sa mangilan-ngilan na lamang, nagising na ang diwa ng karamihan sa mga tauhan ng kuwento natin. Si Arvin bilang asong gubat na mangalok ay halos napatunayan na ang sarili sa piling ng mga kapuwa niya puristang aswang, ang mga "hukbong hukluban;" at ang napipintong misyon ng pangkat ay ang iligtas sa kapahamakan ang kanilang pinunong si Jessie, na sinampahan ng kung ano-anong kaso ng pamahalaan ng Tagamingwit at kasalukuyang tinutugis ng mga alagad ng batas. Habang si Lea naman, bagaman walang-malay at lupaypay, na dala na rin marahil ng matinding pagod na inabot sa kaniyang pag-ahon sa putikang bangin ng pangaw
