Pansamantalang Epilogo:
Pangalawang Bahagi ng Kuwentong
Ang Pinakahuling Kartero ng Lungsod ng Maynila
“Patay na ‘ata, Imang!” ang sambit ng hardinero sa matandang kasambahay ng mga Rivera.
Biglang nag-antanda si Nanay Imang at umusal nang saklolo sa lahat ng mga santo’t santang kaniyang maaalaala sa sandaling iyon. Nang maubusan na ng mga santo’t santang pangalan ay paulit-ulit na inusal ang, “Ave Maria Purisima. Ave Maria Purisima. Ave Maria Purisima.”
Napasimangot ang hardinerong si Pacito kay Imang. Waring babatukan sana ang kasambahay ng mga Rivera, subalit nagbago ang isip at nanatiling maginoo sa abot ng kaniyang makakaya.
“Ano ka ba, Imang? Para kang colegiala ng Concordia kung maka-usal diyan. Tawagin na lamang natin si Doña Silvestra upang ipagbigay-alam na nandito na ang k
