Agaw-Tanaw (Ikaapat na Bahagi)
"Hindi ka rin magkakaroon!"
"Anong hindi rin ako magkakaroon? Ay, naku, Mayor, huwag mo akong binibiro nang ganyan. Baka kagatin ko 'yang leeg n'yo!"
Nasa aircon na silid ni Mayor Sugay si Luke at abalang-abala na minamasahe ang mga binti ng matandang alkalde na nakaparitapa naman ang pagkakahiga sa malambot na kama.
Malakas ang naging halakhak ng naturang minamasahe. Halos humagalpak ang mga bilbil ng matandang alkalde sa carpet ng sahig.
"Ano ka bang bata ka? Binibiro lang kita? Kailan ka ba nawalan sa akin, ha?"
Kinurot-kurot ni Luke ang mga binting minamasahe at sabay tawa na rin. "Hahaha! Alam ko naman 'yun, Mayor... Kaya lang.. Itong huling misyon ni Diego... Medyo di ko ma-gets kasi..."
Habang nakahiga at siyang-siya ang pakiramdam sa patuloy na
