Istigmata, Kisapmata
Maski subukan pa niyang ikubli sa kaharap na natatawa siya, hindi talaga ito magawa ni Mam Precious. Noong una'y hindi ito pinansin ni Diego dahil seryoso siyang kumakain ng agahan. Masarap pa naman ang ulam: litsong baboyramo. Ngunit nang hindi pa rin tumigil ang dalagang guro sa kakukubli ng kaniyang pagtawa habang kasabay niyang kumakain ay naasiwa na ang binatang hybrid na aswang.
"Ah, mawalang-galang, kasi kumakain tayo. Mayroon bang nakakatawa sa inihain kong almusal? Kung hindi ka kumakain ng baboy, okey lang. Kung gusto mo, susungkit na lamang ako ng mga bunga na aratilis. May nakita akong puno kanina sa tabi ng batis."
Sa labis na lakas ng tawa ni Mam Precious ay halos mailuwa niya ang nginunguyang pagkain mula sa bibig niya.
"Uy! Hindi naman sa ganun! Sor
