Bukangliwayway (Unang Bahagi)
Bukod sa nakakatawid ng tubigan ang mga puristang mangalok at ang mga hybrid naman ay hindi, may isa pang malaking pagkakaiba ang dalawang pangkat ng iisang angkan ng mga aswang. Iyon ay may kaugnayan sa banal na tubig.
Bagaman kapuwa nakapapaso at mahapdi ang talab ng banal na tubig sa espirito't katawan ng isang mangalok, purista man o hyrbid, magkaiba ang oras na itinakda sa paghilom ng mga sugat at galos na iniiwan sa mga buto't balat ng mga lupanglupang ito. Para sa hybrid ay malalim at sagad hanggang buto ang hapdi at paso na nagmumula sa basbas ng banal na tubig sa balat ng kanilang katawan. Daig pa ang hagupit ng isang latigong gawa sa buntot ng pagi ang bawat tilamsik ng banal na tubig; at tahasang nakababawas ng kanilang buhay at lakas. Kung kaya n
