seventy six
Gabi na nang umuwi kami ni Kyle galing sa mall, nanood pa kasi kami ng sine at kumain. Hindi na namin napag-usapan ang tungkol sa ginawa ko, pero kahit ayokong mag-away kami ay gusto ko pa rin na mapag-usapan namin iyon. Ayaw kong maisip niya na pinangungunahan ko siya sa buhay niya, lalo na sa mga kamag-anak niya. Lalo na’t halatang hindi naging maganda ang pag-uusap nila. Sana lang ay tuparin ni Derek ang usapan namin na hindi na niya guguluhin si Kyle pagkatapos ng pag-uusap nilang iyon, dahil iyon ang dahilan kung bakit ko ito ginawa. “Kyle.” Kinuha ko ang atensyon niya habang tahimik siyang nakapikit sa tabi ko, nakayakap siya sa’kin at ang ulo ay nakapahinga sa dibdib ko. Medyo nakaupo kasi ako sa higaan at siya naman ay nakahiga, pero kahit gano’n ay alam kong hindi siya tulog. H
- ผู้เขียน
