Natulala ako sa ibinalita ni Zane na maaaring narito lang sa malapit ang anak ko na ilang taon naming hinahanap. Hindi ko napigilan ang pagtulo ng aking luha. Ilang taon kaming nangulila, sa kabila ng kayamanan namin ay bigo kami. Hindi sila lumabas sa bansa ni Bea dahil may Hold Departure Order na inilabas, maliban na lang kung naka-book na ang flight nila sa mismong oras na kinidnap si Ziya. Pero nasa amin na lahat ng kopya ng CCTV sa airport -- walang Bea at Ziya ang umalis.
"Kailangan kong makita ang batang sinasabi mo Zane. Alam ko, makikilala ko agad ang isa sa bunso ko..." Gumaralgal na kaagad ang tinig ko. Ni hindi ko magawang lumunok dahil masakit na ang namuong emosyon sa lalamunan ko. Almost seventeen years. Kung hindi dahil sa ibang anak namin, lalo na kay Adriana, ay iginupo
